ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អ៊ុយក្រែនបញ្ជូនរដ្ឋមន្ត្រីការបរទេសជួបសម្ដេចតេជោនិងអរគុណកម្ពុជា

  • ចុះផ្សាយថ្ងៃទី០៩ ខែវិច្ឆិកា ឆ្នាំ២០២២ ម៉ោង ១២:២៣ នាទី ដោយ Hun Sirivadh
  • 1707
  Aa |   aA

ភ្នំពេញ៖ រដ្ឋមន្ត្រីការបរទេសអ៊ុយក្រែនបានធ្វើដំណើរមកដល់កម្ពុជាដោយបានជួបនិងអរគុណនាយករដ្ឋមន្ត្រីកម្ពុជា សម្ដេចតេជោ ហ៊ុន សែន ដែលមានជំហរគាំទ្រដល់អ៊ុយក្រែនចំពោះពីការឈ្លានពានពីរុស្ស៊ី។

ក្នុងជំនួបជាមួយសម្ដេចតេជោ ហ៊ុន សែន នៅវិមានសន្ដិភាព រាជធានីភ្នំពេញ ព្រឹកថ្ងៃទី៩ ខែវិច្ឆិកា ឆ្នាំ២០២២នេះលោក Dmytro Kuleba បានចូលរួមអបអរដល់ខួប៦៩ឆ្នាំនៃបុណ្យឯករាជ្យកម្ពុជា និងបានអរគុណដល់សម្ដេចតេជោ ហ៊ុន សែន ក្នុងនាមជាប្រធានអាស៊ានដែលមានជំហរច្បាស់លាស់ចំពោះសង្គ្រាមរុស្ស៊ី-អ៊ុយក្រែន។

ជំនួយការនាយករដ្ឋមន្ត្រីលោក អ៊ាង សុផល្លែត បានប្រាប់ក្រុមអ្នកសារព័ត៌មានថា៖ «ឯកឧត្តម Kuleba ក៏បានគោរពថ្លែងអំណរគុណកម្ពុជាដែលបានគាំទ្រចេញសេចក្ដីថ្លែងការណ៍របស់មន្ត្រីការបរទេសអាស៊ាន ដែលបង្ហាញពីកង្វល់ចំពោះស្ថានការណ៍នៅអ៊ុយក្រែនដែលបង្ហាញពីការទាមទារឱ្យបញ្ឈប់ការប្រើប្រាស់កម្លាំងប្រដាប់អាវុធជាបន្ទាន់ និងងាយមកការចរចារបញ្ចប់សង្គ្រាមផង និងធ្វើជាស្ថាបនិកគាំទ្រចំពោះសេចក្ដីសម្រេចចិត្តរបស់មហាសន្និបាតអង្គការសហប្រជាជាតិដែលពាក់ព័ន្ធនឹងការឈ្លានពានមកលើអ៊ុយក្រែនផង»។

លោក Kuleba បានកោតសរសើរកម្ពុជាដែលបានងើបពីសង្គ្រាមហើយកសាងប្រទេសឱ្យមានការអភិវឌ្ឍន៍ដូចសព្វថ្ងៃដែលថានេះជាក្ដីស្រមៃរបស់អ៊ុយក្រែន។

នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានថ្លែងថាកម្ពុជាជាប្រទេសដែលធ្លាប់ឆ្លងកាត់សង្គ្រាមដែលអាចយល់ពីអារម្មណ៍របស់ប្រជាជនអ៊ុយក្រែននាពេលបច្ចុប្បន្ន។ សម្ដេចបញ្ជាក់ថា គោលជំហររបស់កម្ពុជាចំពោះសង្គ្រាមរុស្ស៊ី-អ៊ុយក្រែននេះ គឺការគោរពនូវច្បាប់អន្តរជាតិ ហើយកម្ពុជាក៏ប្រឆាំងនូវការឈ្លានពានគំរាមកំហែងលើឯករាជ្យភាពបូរណភាពទឹកដីផងដែរ។

សម្ដេចតេជោ ហ៊ុន សែន សង្ឃឹមថាប្រជាពលរដ្ឋ និងប្រទេសអ៊ុយក្រែនអាចទទួលបានសន្ដិភាព និងការអភិវឌ្ឍន៍នាពេលឆាប់ៗខាងមុខផងដែរ។

កម្ពុជាគឺជាប្រទេសមួយដែលជំទាស់ជានិច្ចលើការឈ្លានពានរបស់រុស្ស៉ីនេះដោយបង្ហាញឡើងតាមរយៈការបោះឆ្នោតប្រឆាំងការលុកលុយ និងទាមទារឱ្យរុស្ស៊ីដកទ័ពចេញពីទឹកដីអ៊ុយក្រែន ទោះជាយ៉ាងប្រទេសកម្ពុជាក៏មិនគាំទ្រការដាក់ទណ្ឌកម្មលើរុស្ស៉ីផងដែរដោយចាត់ទុកថាសកម្មភាពទណ្ឌកម្មលើរុស្ស៊ីនឹងបង្ករការខាតបង់កាន់តែខ្លាំង។

ក្នុងជំនួបជាមួយប្រធានាធិបតីអ៊ុយក្រែនតាមទូរស័ព្ទ កាលពីថ្ងៃទី២ ខែវិច្ឆិកា នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានសំដែងនូវការសោកស្ដាយចំពោះការបាត់បង់ដោយសារសង្គ្រាមនៅក្នុងប្រទេសអ៊ុយក្រែន ខណៈសម្ដេចបានប្រាប់ទៅប្រធានាធិបតីអ៊ុយក្រែនលោក វ៉ូឡូឌីមៀ ហ្ស៊ែលឡិនស្គី ថា «គ្មានសង្គ្រាមណាមួយអាចបញ្ចប់បានដោយប្រើប្រាស់សង្គ្រាមនោះទេ» ជាមួយនឹងការពិភាក្សានេះសម្ដេចតេជោក៏ប្រកាសបញ្ជូនអ្នកដោះមីនទៅជួយប្រទេសអ៊ុយក្រែន ហើយសម្ដេចផ្ទាល់ក៏គ្រោងធ្វើទស្សនកិច្ចទៅកាន់ប្រទេសនេះផងដែរ៕


ព័ត៌មានជាច្រើនទៀតសម្រាប់អ្នក